গুৱাহাটীঃ জুবিন গাৰ্গৰ দুই ব্যক্তিগত সুৰক্ষা কৰ্মী (PSO) নন্দেশ্বৰ বৰা আৰু পৰেশ বৈশ্যক এক অসংগতিপূৰ্ণ সম্পত্তিৰ গোচৰত গৌহাটী উচ্চ ন্যায়ালয়ে জামিন মঞ্জুৰ কৰিছে। আজি উচ্চ ন্যায়ালয়ত চলি থকা এই ধন-সম্পত্তিৰ অনিয়ম সংক্ৰান্তীয় তদন্তৰ অংশস্বৰূপ বৰা আৰু বৈশ্যৰ উপৰিও অমৃতপ্ৰভা মহন্ত আৰু সন্দীপন গাৰ্গৰ জামিন আবেদনৰো শুনানি গ্ৰহণ কৰা হয়। সূত্ৰই প্ৰকাশ কৰা মতে, নিৰাপত্তাৰক্ষী দুগৰাকীক গ্ৰেপ্তাৰ কৰাৰ সময়ত আৰক্ষীয়ে প্ৰয়োজনীয় আইনী আৰু কাৰ্যপদ্ধতিগত নিয়মাৱলী সঠিকভাবে পালন নকৰাৰ অভিযোগ উত্থাপন হৈছিল। সমৰ্থনকাৰী অধিবক্তাই যুক্তি দৰ্শায় যে গ্ৰেপ্তাৰৰ মুহূৰ্তত আৰক্ষীয়ে প্ৰযোজ্য নিয়মসমূহ মানি চলা নাছিল, যিটো আদালতে জামিন মঞ্জুৰ কৰাৰ ক্ষেত্ৰত এক গুৰুত্বপূৰ্ণ কাৰক হৈ পৰে।
উল্লেখ্য যে জুবিন গাৰ্গৰ নিৰাপত্তাৰ দায়িত্বত থকা নন্দেশ্বৰ বৰা আৰু পৰেশ বৈশ্যক অসংগতিপূৰ্ণ সম্পত্তি লাভৰ অভিযোগত গ্ৰেপ্তাৰ কৰা হৈছিল আৰু তদন্ত চলি থকাৰ সময়ছোৱাত তেওঁলোক জিম্মাত আছিল। আনহাতে, এই একেটা গোচৰতে তনময় ফুকনৰ আইনী প্ৰক্ৰিয়া একেৰাহে দ্বিতীয় দিনৰ বাবে অব্যাহত থাকে।
